MANILA, Philippines — Inanunsiyo ni Executive Secretary Lucas Bersamin ang mga opisyal na aalis na sa kanilang puwesto base na rin sa direktiba ni Pangulong Ferdinand Marcos Jr..
Ayon kay Bersamin, tinanggap ng Pangulo ang courtesy resignation nina Meynandro Sabili, chairperson at CEO ng Presidential Commission for the Urban Poor; Terence Calatrava, Presidential Assistant for the Visayas; Almarim Tillah, Presidential Assistant on Muslim Affairs at Menandro Espineli, Presidential Adviser for Special Concerns.
Habang mananatili naman sa kanilang mga puwesto sina DA Secretary Francisco Tiu Laurel; DAR Secretary Conrado Estrella III; DepEd Secretary Sonny Angara; DOLE Secretary Bienvenido Laguesma; DSWD Secretary Rex Gatchalian; DOH Secretary Teodoro Herbosa; DMW Secretary Hans Leo Cacdac; DOST Secretary Renato Solidum Jr. at Tourism Secretary Christina Frasco.
Mananatili rin sa puwesto sina DICT Secretary Henry Aguda; DOTr Secretary Vince Dizon; DPWH Secretary Manuel Bonoan; Chief Presidential Legal Counsel Juan Ponce Enrile; MMDA Chairman Don Artes; BIR chief Romeo Lumagui; Mindanao Development Authority Chief Leo Magno; Presidential Management Staff Sec. Elaine Masukat; Bureau of Customs Commissioner Bienvenido Rubio.
Inanunsiyo rin ni Bersamin ang pagtatalaga kay Atty. Francis Edralyn Lim bilang bagong chairperson ng Securities and Exchange Commission (SEC) kapalit ni incumbent chairman Emilio Aquino na matatapos ang termino sa Hunyo 5, 2025.
Nilinaw din ng kalihim na mananatili sa puwesto si DFA Secretary Enrique Manalo hanggang hindi pa tapos ang kanyang confirmation bilang magiging Permanent representative of the Philippines to the United Nations.