November 4, 2025 | 12:00am
Dear Dr. Love,
Magandang araw po. Tawagin n’yo na lang akong Nina. Isa po akong babaeng nasaktan nang todo ng taong akala ko ay makakasama ko habang buhay.
Tatlong taon kaming mag-“on” ng boyfriend ko, at sa loob ng panahong ‘yon, ginawa ko ang lahat para sa kanya — sinamahan ko siya sa hirap, sinuportahan sa pangarap, at ipinaglaban kahit ayaw ng pamilya ko sa kanya. Pero sa huli, niloko niya ako.
Nalaman ko na may iba na pala siyang babae, at masakit dahil kilala ko pa ‘yung babae — kaibigan ko pa! Para akong binuhusan ng malamig na tubig.
Hindi ako makatulog, hindi makakain, at araw-araw kong tinitingnan ‘yung mga pictures namin na dati ay nagbibigay ngiti, pero ngayon puro sakit na lang.
Ngayon, aaminin ko po, Dr. Love, dumating ako sa puntong gusto ko siyang ipakulam. Oo, alam kong mali, pero hindi ko maiwasan.
Pakiramdam ko kasi, hindi sapat na masaktan lang siya — gusto kong maramdaman niya ‘yung sakit na ibinigay niya sa akin. Pero sa kabilang banda, natatakot ako sa magiging balik ng ganung gawain. Kaya po ako sumulat sa inyo.
Dr. Love, paano ko mapapakalma ang sarili ko? Paano ko mapapalaya ang puso ko sa galit at paghihiganti? Hindi ko na alam kung alin ang tama — kung ipagdasal ba siya o ipaubaya sa masamang espiritu.
Sana po matulungan n’yo akong makahanap ng kapa-yapaan.
Nina
Dear Nina,
Ang sakit ng pagtataksil ay parang apoy — sinusunog ang tiwala, at minsan pati sarili. Pero tandaan mo, ang tunay na ganti ay kapayapaan.
Kapag pinili mong magpatawad, hindi ibig sabihin na tama ang ginawa niya, kundi pinili mong hindi ma-ging bihag ng galit.
Ang kulam ay magbabalik lang ng sumpa sa puso mo. Ngunit ang pagbitaw — ‘yan ang magpapalaya sa’yo.
Magdasal ka hindi para sa kanya, kundi para sa sarili mong paggaling. Alalahanin mong ang karma ay hindi mo kailangang pamunuan — si God na ang bahala.
Ibalik mo ang lakas mo sa paggawa ng magagandang bagay. Pagsikapan mong umangat, at ipakita sa mundo na hindi ka-yang sirain ng kasinu-ngalingan ang isang pusong marunong magmahal ng totoo.
DR. LOVE