MANILA, Philippines — Itnalaga ni Pangulong Ferdinand Marcos Jr. bilang bagong hepe ng Bureau of Customs (BOC) si Ariel F. Nepomuceno.
Kahapon ay nanumpa na rin kay Pangulong Marcos si Nepomuceno.
Pinalitan ni Nepomuceno si BOC chief Bienvenido Rubio.
Wala rin ibinigay na dahilan ang Malakanyang kung bakit inalis sa puwesto si Rubio.
Si Nepomuceno ay nagsilbing Executive Director ng National Disaster Risk Reduction and Management Council at naging Undersecretary ng Office of the Civil Defense.
Hindi naman binanggit ng Palasyo kung ang pagpapalit sa liderato sa BOC ay bahagi ng performace evaluation kung saan lahat ng mga opisyal ng gobyerno ay pinagsumite ng Presidente ng courtesy resignation noong Mayo.