MANILA, Philippines — Binigyang kapangyarihan ni Pangulong Ferdinand Marcos Jr. si Department of the Interior and Local Government (DILG) Secretary Jonvic Remulla na mag-anunsiyo ng suspensiyon ng trabaho at klase sa tuwing masama ang panahon at iba pang kalamidad.
Ito ang kinumpirma ni Presidential Communications Office (PCO) Secretary Dave Gomez matapos na si Remulla ang mag-anunsiyo na walang pasok kahapon ang mga paaralan.
“The DILG cited Presidential Communications Office Secretary Dave Gomez’s confirmation that Remulla was authorized by President Ferdinand Marcos, Jr. to “make announcements on behalf of the Cabinet and the Palace in times of national emergencies,” sinabi ni Gomez.
Nauna nang sinabi ni Remulla na hiningi niya ang approval ni Marcos para siya ang magdeklara ng class suspension sa tuwing mayroong bagyo, at iginiit ang kanyang karanasan noong siya pa ang gobernador dahil mas madaling mag-coordinate kung galing sa kanila ang suspensyon ng klase.
Ang kapangyarihan para magsuspinde ng klase ay pangunahing nakaatang sa mga lokal na pamahalaan at sa Department of Education, depende sa bigat ng sitwasyon at lokasyon.
Sa kabila nito, sinabi naman ng DILG na maaari pa rin magsuspinde ng pasok ang Department of Education at local governments unit base sa kondisyon sa kanilang lugar.
“As NDRRMC (National Disaster Risk Reduction and Management Council) Vice Chairperson for Disaster Preparedness, Remulla assured the public that announcements will be made at least a night before—consistent with his practice during his time as Cavite governor,” sinabi naman ni Remulla.