MANILA, Philippines — Pansamantalang ipinagpaliban ng Commission on Appointments ang pagdinig ng ad interim appointment nina (DICT) Secretary Henry Rhoel Aguda at Philippine Communications Office (PCO) Secretary Jay Ruiz dahil sa kawalan ng oras.
Tinanong ni Senador Joel Villanueva si Aguda kung nanatili ba siya sa kanyang posisyon matapos ipag-utos ni Pangulong Ferdinand Marcos Jr. ang courtesy resignation sa lahat ng miyembro ng gabinete.
Sagot ni Aguda, nakatanggap siya ng tawag mula kay Executive Secretary Lucas Bersamin at sinabing hindi tinanggap ng Pangulo ang kanyang pagbibitiw.
“To the question of the good senator, I received the call from the executive secretary (Lucas Bersamin), telling me that my resignation was declined by the President. It’s almost a day (call) after the courtesy resignation was requested,” sabi ni Aguda.
Ipinagpaliban din ng CA ang confirmation hearing ni Ruiz dahil din sa kawalan ng oras.
Nang tanungin tungkol sa kanyang courtesy resignation, sinabi ni Ruiz na sinabihan siya ni Bersamin na mag-focus at ipagpatuloy ang kanyang trabaho.
Sinabihan din umano si Ruiz na hindi pa naman nawi-withdraw ang kanyang appointment.