MANILA, Philippines — Pormal nang bumuo ang Kongreso ng Impeachment Secretariat na tutulong sa public prosecutors para sa impeachment trial ni Vice President Sara Duterte.
Batay sa Memorandum Order No. 19-1006 (SG) na inilibas ni House Secretary General Reginald Velasco, 134 na indibidwal ang bubuo sa secretariat na pawang mula sa Office of the Secretary General, Office of the Sergeant-at-Arms, Legislative Operations Department, Legal Affairs Department, at iba pang relevant units.
Ayon kay Velasco, magiging papel ng mga ito ang pagbibigay ng plenary support, legal research, records management, stenographic transcription, information technology, security at administrative coordination. Bahagi ng kanilang mandato ang plenary support, legal research, records management, stenographic transcription, information technology, security, at administrative coordination.
Ang mga maa-assign na mga opisyal at empleyado ay susunod sa mahigpit na rules and ethical guidelines ng Kamara.
Para matiyak ang accountability lahat ng personnel na maa-assign sa Senado ay ire-record ang kanilang attendance at may mga designated HousePass monitoring system.
Inactivate na ang impeachment Secretariat matapos ilabas ni Senate President Chiz Escudero ang proposed calendar sa impeachment trial ni VP Sara.