DENR, LGU kinalampag
MANILA, Philippines — Kinalampag ng galit ng mga lokal na residente ang Department of Environment and Natural Resources (DENR) at mga concerned local government units (LGUs) dahil sa viral video ng isang backhoe na sumisira umano sa mga corals at bato sa shoreline sa beach resort sa Barangay Virgen, Anda.
Makikita sa naturang video, na kumakalat na sa iba’t ibang social media platforms, ang isang heavy equipment na nag-o-operate sa mababaw na bahagi ng dagat sa harap mismo ng isang beach resort, na sinasabing sumisira sa mga buhay na corals at mga natural rock formations.
“This is putting Bohol in the international spotlight for all the wrong reasons,” ayon kay Bohol local environmental activist Atty. Makdo Castañares.
“We are known worldwide for our pristine beaches and vibrant marine life. What happened in Anda is an assault on our natural heritage,” dagdag nito.
Sinabi pa ni Castañares, walang building permit ang nagpapahintulot na makasira ng kalikasan, ang mga ganitong aktibidad umano ay isang violation sa national environmental laws katulad ng Republic Act (RA) No. 7586 o ang National Integrated Protected Areas System (NIPAS) Act na inamyendahan sa RA 11038.
“No permit gives anyone the right to destroy corals or alter the coastline. These actions are not only illegal — they are deeply irresponsible,” ayon dito.
Nababahala si Castañares na ang mga ganitong aktibidad ay bahagi ng lumalaking mga insidente ng environmental abuse sa nasabing lalawigan.
“We saw the public outrage after the damage done to the Chocolate Hills. Now it’s happening in Anda. How many more of our natural treasures must suffer before real accountability is enforced?” aniya.
Dahil dito, lumakas ang panawagan ng mga residente at mga environmentalists na magsagawa ng imbestigasyon ang DENR at concerned LGUs sa insidente.