August 25, 2025 | 12:00am
MANILA, Philippines — Nagsagawa ng Multilateral Maritime Cooperative Activity (MMCA) o sama-samang paglalayag ang Pilipinas, Australia at Canada bilang bahagi ng Exercise ALON sa West Philippine Sea (WPS) nitong Sabado.
Ayon sa AFP, nagpartisipa sa nasabing maritime exercise ang guided missile frigate BRP Jose Rizal ng Philippine Navy; Hobart-Class Air warfare destroyer HMAS Brisbane ng Royal Australian Navy at RCH Halifax-Class Frigate HMCS Ville Quebec ng Canadian Navy sa southwest ng El Nido, Palawan.
“The engagement reflects a shared resolve to uphold a rules-based international order in the Indo-Pacific and reinforces the commitment of the Philippines, Australia, and Canada to promote freedom of navigation, regional stability, and collective maritime security,” saad pa sa report.
Ang tatlong barko ay nagpakitang gilas sa mga naval exercises tulad ng crossdeck hoisting, vertical personnel transfer kung saan ang MH-60 helicopter ng HMAS Brisbane ay inilipat ang mga personnel nito sa BRP Jose Rizal. Sinundan ito ng crossdeck hoisting sa pagitan ng HMAS Brisbane at HMCS Ville de Quebec.