Dear Dr. Love,
Magandang araw po. Sumulat ako sa inyo ngayon dahil punô ng emosyon ang puso ko—hindi problema, kundi labis na pasasalamat at sobrang pagka-proud.
Kamakailan ay na-promote ang aking mister sa trabaho. Hindi ko maipaliwanag kung gaano kalaki ang naging epekto nito sa aming pamilya.
Nakita ko kung paano siya nagsumikap, nagpuyat, at nagbigay ng higit pa sa hinihingi ng kanyang tungkulin.
Pero higit sa lahat, nakita ko rin kung paano siya pinahalagahan ng kanyang boss na may tunay na malasakit at tiwala sa kanya.
Sa panahon ngayon, bihira ang ganitong klase ng pamunuan—’yung hindi lang naghahanap ng mahusay, kundi marunong ding tumingin sa puso at sipag ng tao.
Hanga ako sa boss niya dahil sa ginawang pagkilala.
Bilang asawa, sobra ang aking pasasalamat dahil alam kong itong promotion na ito ay hindi lang dahil sa talento ng mister ko, kundi dahil may taong naniwala sa kanya.
Dr. Love, nais ko lamang malaman: paano ko ba mas maipapakita sa aking mister na proud na proud ako sa kanya?
Gusto kong ipadama sa kanya na deserving siya sa biyayang ito at na kasama niya ako sa bawat tagumpay niya.
Misis K
Dear Misis K,
Napakaganda ng tagumpay na ibinahagi mo.
Pero gusto ko alalahanin mo na ang pinakamahalagang regalo na maibibigay mo sa iyong mister ay ang tapat na pagmamahal sa kanya, walang sawang pag-aalaga at pag-aasikaso sa kanya; bukod pa ang taus-pusong pagsuporta at pagtulong sa kanya bilang haligi ng inyong pamilya. Sobrang bonus pa kung very expressive ka pa verball kung gaano mo siya hina-hangaan, verbally.
Hindi kailangang engrande—madalas, sapat na ang sim-pleng pagyakap at salitang, “pinagmamalaki kita at ikaw lang.”
Ipaalala mo sa kanya na naroon ka hindi lang sa hirap, kundi lalo na ngayon sa ginhawa.
At ang tagumpay na tinanggap niya, tagumpay din ng pag-ibig at pag-uunawaan ninyong dalawa.
DR. LOVE