Ngayon araw na ito ay ibabahagi ko sa inyo ang succesful magsasaka na nagtatanim ng iba’t ibang lettuce at gulay na nagsimula lamang sa 1,000 puhunan nga-yon ay mayroon nang halagang 3000,000 na greenhouse.
Ang aking tinutukoy ay si George H. Samonte, full-time farmer na nakatira Deca Home, Loma De Gato, Marilao, Bulacan.
Dating empleyado sa pagawaan ng bakal na Cathay Metal Corporation si George.
Noong magretiro siya bilang Furnace Operator sa loob ng 30 years ay sinunod niya ang kanyang “passion” sa pagtatanim ng iba’t ibang uri ng gulay.
Ayon kay George, kasagsagan ng pandemic noong siya ay nagtanim at noong una ay pagkain lamang nila ang kanyang itinatanim at nagsimula sa isang libong puhunan.
“Nag-simula po ako sa Kratky Hydroponics method of farming. Nagtanim po ako sa mga fruit box at kalaunan ay marami ang bumibili ng aming mga harvest hanggang unti-unting lumago ang aming garden,” ani George.
Sinabi ni George, dati ay sa kanilang bahay lamang siya nagtatanim hanggang ipagamit sa kanila ang isang bakanteng lote sa North Caloocan at doon siya gumawa ng 200-sqm na green house.
Aniya, ang luntian at magandang green house na tinawag nilang Kaluha Garden ay makikita sa Masaganda Subd. Saranay Road, Brgy. 171 Bagumbong, North Caloocan.
Pahayag pa ni George, tuwing weekend at walang pasok sa school ang kanilang limang anak ay bonding nilang pamilya ang sama-samang pagtatanim sa kanilang K-luha Garden.
“On hands lahat kami sa pagtatanim, lalo na ang aking misis na si Minerva at mga ba-ta,” sabi pa ni George.
“The farm is where the best memories are made.
Ang aming kuwento bilang mga magsasaka ay mananatiling isang mahalagang ala-ala na dadalhin namin hanggang sa aming pagtanda,” anang mag-asawang Samonte.
Ipinagkatiwala ng mag-asawa sa Panginoon ang kanilang pagtatanim kaya hindi sila nauubusan ng kostumer.
“God balance our lives by giving us enough blessings to keep us happy, enough burdens to keep us humble and enough hardships to keep us strong,” anila.
Inihalintulad ng mag-asawang Samonte sa pagtatanim ang kanilang pagmamahalan.
“Binistay muna bago itanim. Parang love life lang ‘yan, dapat salain muna ang mga paasa at toxic bago magtanim ng feeling, Kasi baka instead na lumago, malanta ka lang,” anila.
Sa ngayon ay limang taon na ang Kaluha Lettuce Garden at patuloy na tinatangkilik ng marami na labis na pinasasalamatan ng pamilyang Samonte.
“Limang taon na tayong magkasama, Ka Lettuce.
Sa bawat pagtatanim, pag-aani at pagsubok—mas pinapatatag tayo ng panahon.
Hindi lang halaman ang lumago, pati na rin ang samahan natin.
Cheers sa mas marami pang ani at taon na magkasama!”
Sa mga nais bumili ay mag-avail ng mga tanim sa Kaluha Lettuce Garden ay mag-text lang po kayo 0994-397-3915 or magpadala ng menseha sa Minerva Samonte FB account
Ngayong Linggo, September 7, 2025 ay mapapanood ninyo ang interview at farm tour kay George sa TV show ng Magsasakang Reporter na Masaganang Buhay.
Samantala, para sa iba pang tips at sikreto sa pagtatanim ng iba’t ibang uri ng halaman sa pamamagitan ng organikong pamamaraan ay maaari po kayong manood at makinig ng aking TV program na Masaganang Buhay tuwing Linggo, alas-7:00 hang-gang alas-8-00 ng umaga sa OnePH Cignal TV, Channel 1 ng TV-5. Mapapanood din sa RPTV, Facebook at Youtube.
Maaari rin kayong manood at mag-subscribe at mag-follow sa aking Youtube Channel na ANG MAGSASAKANG REPORTER at Facebook profile na Mer Layson at Facebook page na Ang Magsasakang Reporter, TV host Vlogger, Tiktok na Magsasakang Reporter para sa iba pang kaalaman at impormasyon sa pagtatanim ng iba’t ibang uri ng halaman sa pamamagitan ng organikong pamamaraan.
Tuwing araw ng Martes ay regular ninyong mababasa ang aking kolum dito sa Pilipino Star Nga-yon (PSN) ng Star Media Group of Publications.
Nitong nakalipas na June 20, 2025 ay ginawaran ang Magsasakang Reporter bilang Excellence in Media Agriculture and Community Empowerment ng Global Filipino Achievers Awards sa Sydney Australia.
Sa mga tanong at komento ay maaari ninyo akong i-text, huwag pong tawag, sa 09178675197.
STAY SAFE, SALAMAT PO, HAPPY FARMING, GOD BLESS US ALL.