September 5, 2025 | 12:00am
“Malapit na akong umuwi for vacation, Pareng Apol,” sabi ni Kit na tumatawag mula sa Saudi.
“Parang kailan ka lang umalis, magbabakasyon ka na.”
“Mabilis lumipas ang araw diyan sa Pinas, Pareng Apol pero dito sa Saudi, matagal.”
“Anong pasalubong mo sa akin Bro?”
“Ano bang gusto mo?”
“Yung masarap na dates, Bro.”
“A sige meron akong alam na tindahan ng masarap na dates. Yung kapag kinagat mo ay medyo chewy. First class yun.”
“Fresh ba yun—I mean galing ba sa puno o hinog sa puno?”
“Oo—fresh. Talagang napakasarap.”
“Yun lang ang gusto kong pasalubong, Bro. Kung gusto mo naman, pasalubungan mo ako ng dollar.”
“Hindi mo na kailangan ang dollar—ang dami mo kayang pera.”
“Peso marami ako e gusto ko dollar.”
“Bigyan kita ng one dollar.”
“Kuripot.”
Humalakhak si Kit.
“Kumusta nga pala yung ikinuwento mo sa akin na babaing nasalubong mo sa Ayala Avenue pero hindi mo malaman kung saan mo nakita.”
“Malaking kuwento Bro.”
“Bakit?”
Ikinuwento ni Apol ang tungkol sa babae pati ang tungkol sa dalagita.
Hindi makapaniwala si Kit sa nalaman.
“Baka Diwata ang dalagita, Pareng Apol. Pilitin mong hanapin.”
“Yun nga ang ginagawa ko.”
“Pag-uwi ko magkuwentuhan pa tayo tungkol sa misteryong yan.”
“Sige Bro.”
Matapos silang mag-usap, pinagmasdan ni Apol ang picture ng dalagita sa kanyang cell phone. Misteryosang dalagita.
(Itutuloy)