Philstar.com
September 5, 2025 | 5:59pm
MANILA, Philippines — Iginiit ni Public Works Secretary Vince Dizon na kailangang bawasan ang P268.3-bilyong flood control budget ng DPWH para sa 2026, sa budget briefing ng Kamara nitong Setyembre 5.
Ayon kay Dizon, aalisin agad ang mga duplicate at hindi akmang proyekto upang matiyak na tama ang paggamit ng pondo.
Iginiit din niya na dapat unahin ang mga lugar na lubhang binabaha at gawing “science-based” ang pagpaplano ng mga proyekto.
Binigyan ng Kamara ang DPWH hanggang Setyembre 12 para magsumite ng binagong budget proposal.
Kasabay nito, nagtatag si Pangulong Ferdinand Marcos Jr. ng independent commission para imbestigahan ang umano’y katiwalian sa flood control projects. — Base sa report ni Dominique Flores