February 23, 2025 | 12:00am
MANILA, Philippines — May nadiskubreng isang bagong bat coronavirus na nagdudulot ng panganib ng animal-to-human transmission sa isinagawang pag-aaral sa China.
Batay sa ulat ng South China Morning Post, nagsagawa ng pag-aaral ang Guangzhou Laboratory katuwang ang Guangzhou Academy of Sciences, Wuhan University, at Wuhan Institute of Virology, na inilathala ng scientific journal Cell noong Martes.
Gumagamit umano ang bat virus ng kaparehong human receptor tulad ng Covid-19 at SARS, human angiotensin-converting enzyme (ACE2).
Ang virus, na kilala rin bilang HKU5-CoV-2, ay isang novel lineage ng HKU5 coronavirus na natuklasan sa mga Japanese pipistrelle bats sa Hong Kong.
Sa mga pagsusuri, ang virus ay maaaring makahawa sa mga selula ng tao at artipisyal na magpalaki sa mga tisyu ng baga at bituka. Maaari rin itong magbigkis sa mga ACE2 na receptor sa mga tao, paniki, at iba pang mga hayop, na nagpapataas ng posibilidad ng pagkahawa ng mga cross-species.
Kahit na ang HKU5-CoV-2 ay may”stronger binding ability’ kaysa sa original strain na may mas malawak na hanay ng mga host, binigyang-diin ng mga mananaliksik na ito ay hindi gaanong makapangyarihan kaysa sa SARS-CoV-2, o ang virus na responsable para sa Covid-19, at ang panganib ng paglipat sa tao ay mababa.
Wala pang inilalabas na pahayag ang Department of Health (DOH) ukol sa bagong bat virus.