October 14, 2025 | 12:00am
“HINDI na ako mainit di ba Apol?” tanong ni Guava makaraang idampi ang palad ni Apol sa noo.
“Hindi na nga, Guava.”
“Magaling na ako. Epektib ang nilagang dahon ng bayabas sa trangkaso.
“Bilib na ako Guava.”
“Isang baso lang ng nilagang dahon ng bayabas, tanggal na ang lagnat ko.”
“Meron pang natira, Guava—inumin mo pa?”
“Huwag na. Okey na ako.”
“Hindi na kita kailangang dalhin sa doktor?”
“Hindi na.”
“Salamat at okey ka na. Alam mo problemado ako dahil baka may mangyari sa’yo ay ako ang sisihin.”
“Hindi naman—walang mangyayari sa akin.”
“Kasi’y tatlong araw ka nang nilalagnat—baka kung ano na ang sakit mo.”
“Alam mo Apol, hiyang-hiya ako sa’yo.”
“Bakit?”
“Inalagaan mo ako nang todo.”
“Wala ‘yun.”
“Salamat ha,” at hindi inaasahan ni Apol ang paghalik sa kanya ni Guava.
Itutuloy