February 16, 2026 | 12:00am
“UMIINOM naman ako ah, lashing na nga akoh,’’ sabing nagkukunwari ni Vince.
“Kasih parang hindih kah umiinom hik!”
“Umiinom ako Pareng John.”
“’Kala koh hindih ka umiinomeh!”
“Marami na akoh naiinom pare koy.”
“Nilolokoh moh yata ako hik!”
“Hindi. Lasing na rin akoh.”
“Isa pang boteh, Pareng Vince.”
“Sige. Last na to ha?”
“Oo.”
Pinagbigyan ni Vince. Pero sa totoo lang talagang full na rin siya.
Matapos ang huling bote, tinanong ni Vince kung ano ang pangalan ng original na asawa ni John.
“Ano ba name ng misis mong tunay, Pareng John?”
“Teresah hik.”
Pagkatapos ay lumungayngay na si John. Parang puno ng saging na tinaga. Bagsak na bagsak.
“Pareng John! Pareng John!” niyugyog ni Vince. Ayaw kumilos. Plakda.
At least nalaman niya na totoong si Teresa ang orig na asawa. May irereport na siya kay Teresa.
(Itutuloy)