January 27, 2026 | 12:00am
NAGWAWALIS si Vince sa bakuran nang batiin siya ni John. Hawak ni John ang hose at dinidilig ang mga halaman na ang ilan ay nalanta at nanguluntoy na dahil ilang araw na hindi nadidilig.
“Kumusta Vince?”
“Okey naman John. Ikaw kumusta?”
“Hindi maganda.”
“Bakit?”
“Nag-iisa ako sa bahay.”
“Nasan si misis?”
“Nasa ospital.”
“Anong nangyari?”
“Isinama ko sa kinadestinuhan kong lugar inabot dun ng sakit—hindi yata hiyang sa tubig—ayun nagka- amoeba.”
“Nasa ospital siya?”
“Nakalabas na—nasa kanyang parents.”
“Mabuti naman at ligtas siya, John.”
“Oo nga Vince.”
“Sana pala hindi mo na siya isinama sa destino mo.”
“Oo nga—pahamak pala ang tubig dun.”
“E kailan siya uuwi?”
“Hindi ko pa alam—baka matagalan pa.”
Napatango si Vince. Ba’t kaya?
Itutuloy