January 18, 2026 | 12:00am
NAG-UUSAP pa sina Vince at kapibahay na si John nang lumapit ang asawa nito.
Ipinakilala ni John si Vince sa asawa.
“Vince, si Marie, misis ko.”
“Hi Marie,’’ bati ni Vince.
“Hi Vince.”
Napansin ni Vince na may itsura si Marie.
“Mahilig kami ni Misis na magtanim, Vince. Pupunuin namin ng tanim itong bakuran.”
“Pareho pala tayong mahilig magtanim, John. Gusto ko ay mga namumulaklak na tanim. Maaliwalas at magandang tingnan kapag sumisikat ang araw.”
“Pareho talaga tayo, Vince.”
“Matagal ka na ba rito Vince?” tanong ni Marie.
“Oo Marie. Mula pa nang itayo ang subdibisyon na ito.”
“Talaga?” sabing hindi makapaniwala ni Marie.
“Kabisado mo na siguro lahat ang mga nakatira rito?” sabi ni John.
“Hindi naman lahat.”
“Pero talagang tahimik dito at payapa ang kapaligiran,” sabi ni John, “di ba Marie?”
Tumango lang si Marie.
“May anak kayo, John?”
“Wala!” sagot ni John.
“Ikaw Vince may anak na?” tanong ni Marie.
“Wala pa akong pamilya.”
Itutuloy