October 9, 2025 | 12:00am
Dear Dr. Love,
Ako po ay teenager na nakararanas nang paulit-ulit na paalala mula sa aking mga magulang, na huwag munang mag-boyfriend. Naiintindihan ko po ang kanilang alalahanin at pagmamahal, pero minsan po ay nakaka-frustrate na hindi sila nagsasawa sa pagpapayo na ito.
Nais ko po ipaliwanag na naiintindihan ko ang kanilang hangaring maprotektahan ako. Pero bilang isang mature na indibidwal, nais ko ring makaranas ng pakikipag-relasyon na may tamang pag-iingat at responsibilidad. Sana po ay maunawaan nila.
Hiling ko po na sana ay mabigyan nila ako ng higit pang tiwala at pagkakataon na matuto mula sa mga karanasan, habang nananatili ang respeto at gabay nila. Maraming salamat po sa inyong pagpapaunlak.
Razel
Dear Razel,
Mahalaga ang komunikasyon sa pagitan ng magulang at anak.
Naiintindihan natin na nais nilang protektahan ka at gabayan sa tamang landas. Pero mahalaga rin na ikaw ay mabigyan nila ng tiwala at pagkaka-taon na matuto mula sa sariling karanasan.
Ipaliwanag mo sa kanila na handa kang maging responsable sa iyong mga desisyon. Maaari mong ipakita na kaya mong mag-ingat at mag-isip nang mabuti sa pagpili ng iyong makakaibigan o makakasama sa buhay.
Magkaroon kayo ng bukas na talaka-yan na pinanatili ang respeto sa isa’t isa. Tandaan, ang tunay na pagmamahal ay nakikita sa pagtitiwala at paggalang sa isa’t isa.
DR. LOVE