MANILA, Philippines — Patay ang isang 23-anyos na babae nang pasukin ang bahay at barilin ng ‘di pa kilalang lalaki habang nakikipagtsikahan sa mga kaibigan, sa Antipolo City, Linggo ng gabi.
Dead-on-the-spot ang biktimang si alyas “Erika”, 23, ng Brgy. Cupang, Antipolo City.
Sa ulat ng Antipolo City Component Police Station, dakong alas-9:00 ng gabi nang maganap ang insidente sa tinutuluyang apartment ng biktima.
Habang nakikipagkwentuhan sa mga kaibigan sa loob ng kanyang unit apartment ang biktima nang may malakas na tadyak sa pintuan at bumulaga ang pagpasok ng gunman at walang sabi-sabing pinagbabaril ang biktima.
Tumakas ang suspek at iniwang nakabulagta na ang biktima.