November 23, 2025 | 12:00am
“ANONG name ng mapapangasawa mo, Apol?” tanong ng ate ni Apol.
“Guava.”
“Guava? As in bayabas?”
“Oo.”
“Ganda naman name niya—kakaiba.”
“Tulad ng name ko—Apol.”
“Karaniwan lang ang name mo Apolinario.”
Napahagikgik si Apol.
“Ang name niya kakaiba—ngayon lang ako nakarinig ng ganyan. Maganda ba siya?”
“Oo, Ate, napakaganda.”
“Mas maganda pa sa akin?”
“Yaaak! Maganda ka ba, Ate?”
“Kung maka-yaak ka akala mo nakakasuka ang itsura ko.”
Napahagikgik uli si Apol.
“Maganda si Guava at napakabait, Ate.”
“Gusto ko siyang makilala, Apol.”
“Bukas ipakakausap ko siya sa iyo. Magkikita kami bukas.”
“Sige, para makaliskisan ko.”
“Wala siyang kaliskis Ate, he-he-he!”
“Anong balak n’yo ni Guava?”
“Bago matapos ang taon, pakakasal kami.”
“Marami ka na naman yatang na-save—e di go na kayo.”
“Sobra-sobra Ate ang na-save ko.”
“Naks! Tingnan ko kung ano magagawa para makauwi sa kasal ninyo.”
“Pilitin mo Ate.”
“Sige.”
“Para lalong masaya ang wedding namin.”
“Sige na nga.”
Itutuloy