November 30, 2025 | 12:00am
“KASI Apol kaya ko nasabing huling pagpapakita na ng dalagita ay dahil napansin kong malungkot siya habang nagbababay sa akin at pagkatapos ay bigla na siyang nawala,” sabi ni Manang.
“Hindi mo alam kung saang direksiyon siya nagpunta, Manang?”
“Hindi! Paglingon ko, wala na siya. Iglap lang ang lahat, Apol.”
“Baka nga huling pagpapakita niya Manang.”
“Kinikilabutan nga ako hanggang ngayon.”
“Sana mayroon tayong picture niya, Manang.”
“Baka nakunan siya ng CCTV. Di ba yung malaking bahay sa kanto e may CCTV. Puwede akong makiusap sa may-ari ng bahay. Madalas bumibili rito ang may-aring lalaki.”
“Sige Manang.”
“Ikuwento mo na lang kay Guava ang lahat. Magugulat yun.”
“Sigurado yun Manang.”
Maya-maya, nagpaalam na si Apol.
“Aalis na ako Manang. Mag-iinspeksiyon ako sa bahay at baka nagtungo roon ang dalagita.”
“Baka iniwan na ang ‘suwerte’ sa bahay mo. Balatuhan mo ako, Apol, ha-ha-ha!’’
“Oo Manang ikaw pa!”
“Kahit P1-M lang ha-ha-ha!”
“Kahit mahigit pa sa P1-M.”
“Sinabi mo yan ha?”
Umalis na si Apol.
Pagdating niya sa bahay, sa bakuran muna nag-inspection si Apol.
Nagtaka siya nang tumingala sa punong bayabas. Wala na itong bunga. Wala kahit isa!
Itutuloy