August 13, 2025 | 12:00am
ISANG linggo bago umalis patungong Canada ang pamilya ng kapatid ni Apol na si Ginger, nagpunta siya sa bahay nito sa Bgy. Poblacion, Makati. Ang lote na may sukat na 100 square meters ay minana ni Ginger sa kanilang mga magulang. Sina Ginger at mister nito ang nagpatayo ng bahay.
“Sa iyo na lang itong bahay at lupa na ito, Apol,’’ sabi ni Ginger.
“Babayaran ko na lang sa’yo, Ate pero pakonti-konti.”
“Bahala. Binibigay ko na nga sa’yo.”
“Mas maganda kung may bilihan.”
“Bahala ka. Kahit magkano ang ibayad mo. Ikaw na ang bahala.”
“Sige pauupahan ko.’’
“Maraming uupa rito dahil malapit sa Ayala. Isang sakay lang.”
“Mga limang pinto siguro ito ano?”
“Oo. Kahit paupahan mo ng 10K bawat pinto, maraming uupa.”
Napatangu-tango si Apol.
“Kahit hindi ka na magtrabaho, buhay ka na Apol.”
“Mas maganda ang may trabaho.”
“Marami kang maiipon niyan Brother.”
“Nag-iipon talaga ako ng pera—maraming pera.”
MAKALIPAS ang isang linggo, umalis na sina Ginger at pamilya nito. Inihatid ni Apol sa NAIA.
“Ikaw na ang bahala sa bahay, Apol. Baka matagal bago tayo magkita.”
“Mag-ingat kayo.”
Itutuloy