August 25, 2025 | 12:00am
“WALA ka namang nakikitang ipis, bubuwit, anay o anumang nakagambala sa iyo?’’ tanong ni Apol.
“So far wala pa naman. Dalawang araw pa lang naman ako rito sa kuwarto.”
“Basta may napansin kang kakaiba, sabihin mo agad sa akin.”
“Oo Apol.”
“Siyanga pala, Guava, tagasaan ka nga pala?”
“Novaliches.”
“QC o Caloocan?”
“QC.”
“QC din ako—malapit nga lang ako—along Tomas Morato, dun sa mga scout-scout ang street.”
“Ah, ako malayo. Last barangay ng QC kami.”
“Kaya ka nangupahan dito sa Makati?”
“Oo.”
“Kailan ka uuwi sa Nova?”
“Kung kailan ko magustuhan.”
“Ah.”
“Sabi ng tatay at nanay ko, kung mahihirapan daw ako sa pag-uwi, huwag na lang. Matrapik kasi sa amin.”
“So single ka pa pala.”
“Paano mo nalaman?”
“Nabanggit mo kasi ang tatay at nanay mo—sa kanila ka pa nakatira.”
“Oo.”
“Pasensiya ka na masyado akong matanong.”
“Okey lang.”
“Siyanga pala, ‘di ba nabanggit ko sa’yo na mayroon kang kamukha.”
“Sino nga yun?”
“Yung dalagita na naaktuhan kong kumukuha ng bayabas sa bakuran ko.”
“Talaga?”
“Kamukha mo talaga, Guava.”
“Sana kinunan mo ng picture, Apol.”
(Itutuloy)