September 3, 2025 | 12:00am
HINDI na muling nakita sa subdibisyon nina Apol ang dalagita. Laging tinatanong ni Apol si Manang na may-ari ng sari-sari store. Hindi raw niya nakikita ang dalagita.
“Hindi ako umaalis dito sa tindahan, Apol kaya sigurado ako na hindi nagdaraan ang dalagita.’’
“Ano sa palagay mo Manang, tagarito kaya ang dalagita o tagalabas?”
“Mahirap magsabi Apol. Pero kung babasehan ang suot niya, parang tagarito lang siya.”
“Kung tagarito, dapat ay marami ang nakakakilala sa kanya, Manang.”
“Oo.”
“Mas maganda kaya Manang, magtanong ako sa homeowners association kung may nakatirang dalagita rito—ipakikita ko ang pic sa kanila.
“Mabuti pa Apol. Baka mayroon silang nakikilalang dalagita.”
“Magbabahay-bahay ako Manang.”
“Talagang paglalaanan mo ng oras ang paghahanap sa dalagita.”
“Opo. Mayroon din po kasing gustong makita at makausap ang dalagita.”
“Ah ganun ba.”
NANG magtungo si Apol sa tirahan ni Guava para kumustahin, nagulat siya sapagkat may ini-offer ito sa kanya.
“Tutulungan kitang hanapin ang dalagita, Apol.”
“Ah sige, salamat.”
Itutuloy