September 15, 2025 | 12:00am
NAGULAT si Guava sa ipinakita ni Apol. Hindi nakapagsalita. Nakatingin lang sa tsinelas.
Napansin ni Apol ang pagkagulat ni Guava.
“Bakit Guava?”
Hindi sumagot si Guava. Nanatiling nakatingin sa tsinelas.
“Bakit gulat na gulat ka, Guava?”
“Paano mo nakunan ng picture ang tsinelas na ‘yan? Saan mo nakita yan, Apol?”
“Nakita ko sa aking bakuran—iniwan sa bahaging damuhan.”
“Sinong nag-iwan?”
“Hinala ko’y ang dalagita.”
“Ang dalagitang kamukha ko?”
“Oo.”
“Nasan na ang tsinelas?”
“Itinago ko. May kutob akong babalikan ng dalagita ang tsinelas.”
“Huwag mong ibibigay ang tsinelas!”
“Bakit?”
“Gusto kong makita ang tsinelas, Apol. Puwede?”
“Oo naman. Bukas dadalhin ko rito.”
“Pasensiya na Apol.”
(Itutuloy)