October 16, 2025 | 12:00am
Hindi makapaniwala si Apol sa mga sinabi ni Guava—nagpakita sa panaginip ang babaing nagbigay sa kanya ng tsinelas at sinabing maglaga ng dahon ng bayabas at inumin iyon.
“Ano pa ang sinabi ng babae, Guava?”
“’Yun lang—maglaga ng dahon ng bayabas at inumin.”
“Kaya pala ganun na lamang ang pagpilit mo sa akin na maglaga ng dahon ng bayabas.”
“Oo, Apol.”
“Ang akala ko, nahihibang ka dahil sa taas ng lagnat—yun pala may napanaginipan ka.”
“Ang eksena nga sa panaginip ay talagang nasa harapan ko ang babae.”
“Pumunta rito sa kuwarto?”
“Oo.”
“Tapos?”
“Mahinahon ang pagsasalita niya. Masarap pakinggan na para bang isang ina nagpapayo sa anak.”
“Nararamdaman ko ang sinasabi mo Guava—tinulungan ka ng babae para gumaling. At epektibo ang payo niya—gumaling ka agad!”
“Oo Apol.”
“Paano umalis ang babae?”
“Bigla akong nagising! Hinanap ko sa paligid pero wala na siya. Saka ko naisip—panaginip ang lahat!”
“Nakapagtataka ang mga nangyayari sa iyo, Guava.”
“Oo nga Apol.”
“Pero nagpapasalamat ako at magaling ka na. Alam mo ba na talagang dadalhin na kita sa ospital kung hindi ka pa gagaling.”
“Di ba sinabi mo nga sa akin.”
“Salamat at magaling ka na.”
“Salamat uli Apol.”
“Salamat din—sa halik!”
(Itutuloy)