November 28, 2025 | 12:00am
“APOL halika, may sasabihin ako,’’ sabi ni Manang.
Nagmamadaling lumapit si Apol kay Manang.
“Ano po yun Manang?”
“Nakita ko ang dalagita na kamukha ni Guava!”
“Kailan po, Manang?”
“Kaninang bago magtanghali. Nabigla ako nang makita siya. Mabilis ang mga pangyayari.”
“Saan po siya patungo, Manang?”
“Paalis siya.”
“Ano pong paalis?”
“Nagbabay siya. Kumaway siya na namamaalam.”
“Saan po siya nanggaling?”
“Ang hula ko ay sa bahay mo.”
“Nagbabay lang po siya? Walang sinabi?”
“Wala. Basta kumaway siya na namamaalam.”
“Nakunan mo po ng litrato sa cell phone mo?”
“Hindi. Wala kasi ang cell phone—nasa salas at tsina-charge ko.”
“Ano po kayang ibig niyang sabihin?”
“Palagay ko namamaalam—baka hindi ka na ‘gagambalain’ Apol.”
“Mayroon po ba siyang dala o bitbit?”
“Wala.”
“Ano pong suot sa paa?”
“Wala—nakatapak siya!”
(Itutuloy)