Pilipino Star Ngayon
January 2, 2026 | 12:00am
Dear Dr. Love,
Ako po ay sumusulat dahil hanggang ngayon ay dala-dala ko pa rin ang sakit na iniwan ng aking nakaraan. Niloko po ako ng dati kong minahal. Simula noon, natatakot na akong magmahal muli. Sa tuwing may nagugustuhan ako, bigla akong napapaatras dahil baka maulit lang ang nangyari. Paano ko po haharapin ang sugat ng kahapon para makapagbukas muli ng puso?
Rein
Dear Rein,
Ang takot mo na muling magmahal ay hindi kahinaan—patunay ito na minsan kang nagmahal nang totoo. Pero tandaan mo, hindi lahat ng tao ay katulad ng nanakit sa’yo. Bigyan mo ang sarili mo ng panahon para maghilom. Kapag handa ka na, magsimula sa pagkakaroon ng tiwala sa sarili bago sa iba. Ang pag-ibig ay may kasamang panganib, pero may kaakibat din itong pag-asa. Kapag pinili mong magmahal muli, piliin mo ring maging matalino at magdasal—sapagkat ang tunay na pag-ibig ay hindi nanlilinlang, kundi nag-aalaga.
DR. LOVE