MANILA, Philippines — Aarangkada na bukas (Agosto 1), ang voter registration sa bansa para sa pagdaraos ng Barangay at Sangguniang Kabataan Elections (BSKE) sa Disyembre 1.
Ayon sa Commission on Elections (Comelec), ang voter registration ay magtatagal lamang ng 10-araw o hanggang Agosto 10, mula Lunes hanggang Linggo (pati holidays), mula 8am-5pm.
Magkakaroon din ng Special Register Anywhere Program (SRAP) sa NCR at piling lugar sa Region III (Central Luzon) at Region IV-A (Calabarzon) mula Agosto 1-7, 2025.
Ikinokonsidera naman ni Comelec Chairman George Erwin Garcia na buksan ang satellite registration sites sa NCR mula 7pm-5am. Bukod pa ito sa regular operating hours na 8am-5pm.