August 24, 2025 | 12:00am
“MAGAGANDA ba ang nag-rent, Apol?” tanong ni Ate Ginger.
“Oo. Magaganda—mga nagtatrabaho sa Makati Avenue at Ayala Avenue.”
“Sabi ko na sa’yo eh pawang working girls. Mga dalaga o may asawa?”
“Mga single parent.”
“Walang dalaga?”
“’Yung isa hindi ko pa alam kung dalaga. Ka-i-inquire lang ngayon. Hindi ko pa naiinterbyu.”
“Aba baka ‘yun ang mapangasawa mo ah.”
Nagtawa si Apol.
“E kumusta naman kayo riyan sa Canada, Ate?”
“Naku daming yelo. Nagpapala kami ng yelo.”
“E di ang lamig?”
“Ano pa! Pero kaya namin. Kakayanin namin dahil mas maganda rito. Nakasisiguro kami rito. Dito na kami habambuhay.”
“Sige, mag-ingat kayo at sana ay huwag magkasakit.”
“Salamat Apol. Ikaw mag-ingat din. Mag-asawa ka na para may kasama ka araw-araw.”
“Sige, Ate.”
DALAWANG araw ang nakalipas, binisita ni Apol si Guava. Inaalam kung walang problema sa kuwarto.
“Kumusta naman ang paglipat mo rito Guava?”
“Maayos naman, Apol.”
Itutuloy