January 9, 2026 | 12:00am
MANILA, Philippines — Tinatayang nasa 20 katao ang nalibing nang buhay matapos gumuho ang isang dumpsite sa mga kabahayan sa Brgy. Binaliw, Cebu City nitong Huwebes ng hapon.
Ayon sa ulat, ang patuloy na pag-ulan sa nakalipas na ilang araw ang dahilan upang lumambot ang lupa sa Binaliw dumpsite, na nagdulot ng pagguho ng landfill na nakaapekto sa ilang kalapit na bahay, alas-5:00 ng hapon.
Sinabi ni Cebu City Councilor Joel Garganera, chairperson ng committee on environment, agad na ipinadala ang mga emergency responders, kasama ang limang ambulansya sa lugar.
Idinagdag niya na ang mga inisyal na ulat ay nagpapahiwatig na maraming mga bahay ang natamaan ng gumuhong basura.
Ayon kay Garganera, ang Binaliw ay naging open dumpsite sa halip na isang sanitary landfill.
Tatlo katao na ang nasagip at dinala sa ospital, habang patuloy pa ang isinasagawang rescue operations.