February 10, 2026 | 12:00am
“E, ikaw, gusto mong magkaanak?” tanong ni Vince.
Saglit na natigilan si John.
“Ayaw ko. Dagdag gastos lang. Puwede namang walang anak.”
Napatango na lang si Vince.
“Kaya tama lang ang pasya mo Vince na huwag munang mag-asawa. Masarap ang buhay na walang pasanin, ha-ha-ha!”
Tumawa rin si Vince pero pilit iyon.
“Naiinggit nga ako sa’yo Vince.”
Ngumiti lang si Vince.
“Siguro magiging matagal ang pagkukuwentuhan natin tuwing umaga, Vince.”
“Bakit?”
“Matatagalan pa ang pag-apruba ng bago kong assignment o project.”
“Matatagalan ka bago umalis?”
“Oo. Tambay muna ako rito sa bahay. Kaya nga nasabi ko na mahaba-haba ang kuwentuhan natin. Gusto mo, inuman tayo minsan, Vince.”
“Sige. Pero hanggang two bottles lang ako.”
“Ako rin, Vince.”
“Sige kailan tayo mag-inuman?”
“Mamayang hapon. Lipat ka rito.”
“Aprub.”
(Itutuloy)