MANILA, Philippines — Maglalaro sina Detdet Pepito at Jonna Perdido para sa University of Santo Tomas sa huling pagkakataon sa UAAP Season 88 women’s volleyball tournament.
Ito ay matapos magdesisyon ang graduating libero na si Pepito at ang injured winger na si Perdido na manatili sa Golden Tigresses.
Gagamitin nina Pepito at Perdido ang kanilang fifth at final year ng eligibility.
“We’re overjoyed by their decision and deeply grateful they’ve chosen to stay with us despite being eligible to turn pro. What’s most important to UST is that they’ve completed their studies,” sabi kahapon ni Fr. Rodel Cansancio, O.P., ang director at regent ng UST Institute of Physical Education and Athletics.
Bigo ang Golden Tigresses sa La Salle Lady Spikers sa Fnal Four ng Season 87.
Sa kanyang muling paglalaro sa UST sa Season 88 ay hindi muna sasali ang 22-anyos na elementary education major na si Pepito sa parating na 2025 PVL Rookie Draft sa Hunyo.
Hindi naman nakahataw si Perdido dahil sa full ACL tear.