MANILA, Philippines — Target ng Capital1 na makuha si three-time UAAP MVP Bella Belen ng National University bilang top pick sa gaganaping 2025 Premier Volleyball League Rookie Draft sa Hunyo 8.
Masaya si Capital1 co-owner Milka Romero matapos makuha ang tsansang makapili ng una sa rookie draft lalo pa’t maraming malalakas na players ang sasali sa taong ito.
“This first-round pick is the hope of a thousand dreams—the heart and soul Capital1 has been waiting for. With this franchise player, we’re not just building a team…we’re building a future our fans can believe in,” ani Romero.
Isa si Belen sa 60 players na nagsumite ng aplikasyon para lumahok sa PVL Rookie Draft.
Subalit nilinaw ni Belen na wala pang kasiguraduhan ang paglahok nito sa draft dahil posible itong maglaro sa abroad kung sakaling matuloy ang negosasyon.
Sa ngayon, abala si Belen sa ensayo ng Alas Pilipinas kasama ang iba pang miyembro ng national pool.
“I take it day by day. Of course, nasa shortlist siya (Belen). That’s what I can say. But what the team needs is more important and what we see in our long-term plan with the management and the coaches, we don’t want to just think of the moment,” ani Romero.
Malaki ang maitutulong ni Belen kung mapupunta ito sa Solar Spikers.
Nakuha ng Capital1 si dating La Salle standout Leila Cruz bilang No. 2 overall pick noong nakaraang taong draft.