MANILA, Philippines — Mapapanood ang mga aksyon ng Philippine Basketball Association (PBA) sa Bahrain sa Disyembre.
Tatlong PBA teams ang magtutungo sa West Asian country para maglaro ng official games ng darating na Season 50 sa Disyembre 15 at 17.
“We’ll still check the schedules first but we already signed the contract (for the hosting),” sabi ni PBA Commissioner Willie Marcial kasama si Bahrain Basketball Association president Alaa Mudara sa isang press briefing sa halftime ng Game Five ng Philippine Cup Finals noong Miyerkules sa Smart Araneta Coliseum.
Si Mudara ay isang dating Bahrain national player na nakapaglaro sa Big Dome noong 1970s.
“We’re very happy to host the games in Bahrain,” wika ni Mudara.
“We’ve done it (host Filipino ballers) in the past, a few national team games but this time, we’re going to have PBA teams for PBA fans to enjoy, especially Filipinos who can’t come to the Philippines to watch the games,” dagdag nito.
Nakasama ni Mudara si BBA officer Abdullah Malabes na ama ng dating La Salle Green Archers guard na si Bader .
Makakasabay ng PBA games ang pagdiriwang ng Bahrain National Day sa Disyembre 16.
Ang Bahrain gig ang magiging ikalawang overseas outing para sa PBA sa Season 50.