January 24, 2026 | 12:00am
“MALAYO na naman ang assignment ko —Baguio,’’ sabi ni John.
“Baka isang buwan ako roon. Doon kasi ang project.”
“Malayo nga,” sabi ni Vince. “Dapat kasama mo si Misis.
“Ayaw naman niya. Dito na lang daw siya sa bahay.”
“Sabagay mayroong mga tao na ayaw palipat-lipat.”
“Oo nga. Si Marie ayaw na magbibiyahe. Nahihilo raw siya kapag malayo ang pupuntahan.”
“Matagal ka nang architect, John?”
“Matagal na Vince.”
“Maraming pera ang mga arkitekto—isang project lang, bawi na agad.”
“Medyo. Pero malaki rin ang gastos.”
“Maganda ang mga design mo, John?”
“Okey naman Vince.”
“Sana pala nagkakilala na tayo nun para ikaw ang nag-design ng bahay ko.”
“Oo nga ano? Pero okey naman ang design ah. Malaki ang nagastos mo diyan, sa tingin ko.”
“Oo, John.”
“Okey ang bahay mo. Ako hindi muna gagawa ng sariling bahay—saka na lang. Okey naman ang magrenta. Saka si Marie, ganundin ang prinsipyo.”
MAKALIPAS ang isang linggo, habang nagwawalis si Vince sa bakuran, napansin niyang parang walang tao sa bahay nina John at Marie. (Itutuloy)