“WALA pong anuman, Mam,” sagot ni Vince.
“Salamat po Sir.”
“Ilalabas lang mam ang garbage box or plastic bag sa may gate at dadamputin na ng basurero,” sabi ni Vince.
“Salamat Sir. Ako nga pala si Margie—bago mong kapitbahay.”
“Ako naman si Vince. Nice to meet you Margie.”
“Nice to meet you too, Vince.”
“Kailan ka lumipat?”
“Kamakalawa lang.”
“Bakit hindi ko namalayan ang paglipat mo? A baka, wala ako sa bahay.”
“Dalawa kami ng anak ko na lumipat.”
“Ah.”
“Ang mister ko e OFW —nasa Riyadh.”
“Ah.”
“Mukhang tahimik sa subdibisyon na ito, Vince?”
“Ah oo—napakatahimik dito.”
“Tama pala ang desisyon ko na dito tumira.”
“Oo.”
“Napakatahimik ng kalsada rito. Wala akong nakitang mga nagkukuwentuhan sa labas ng bahay.”
“A, walang marites dito Margie.”
“Ay salamat! Dun kasi sa pinanggalingan naming lugar, halos nabubulatlat lahat ng marites ang buhay ng may buhay. Pati ulam ng kapitbahay, alam ng mga marites.”
“Dito safe na safe ka sa mga marites,” sabi ni Vince.
“Salamat naman.”
(Itutuloy)