Belgian spiker kinuha ng Farm Fresh


Russell Cadayona — Pilipino Star Ngayon

September 20, 2025 | 12:00am

MANILA, Philippines —  Tinapik ng Farm Fresh si dating Belgium na­tional team standout Helene Rousseaux para tulungan silang ma­­kapasok sa finals ng darating na 2025 Premier Volleyball League (PVL) Reinforced Conference.

Naging bahagi ang outside hitter ng historic Belgian team na sumikwat ng bronze medal, ang kanilang ka­una-unahang podium finish, sa European Cham­pionship noong 2023.

Naglaro ang 6-foot-2 na si Rousseaux sa Turkey, Switzerland, Poland, Italy, South Korea at France.

Makakatulong ni Ro­us­­seaux sa kampanya ng Foxies sina Trisha Tu­bu, Leila Cruz, Jolina de­la Cruz, Caitlyn Viray at ve­terans Ces Molina at Riri Meneses.

Bukod kay Rousseaux, paparada rin sa PVL Reinforced Con­ference na hahataw sa Oktubre sina American spiker Courtney Schwan ng Cool Smashers, Russian outside hitter Anastasiia Bavykina ng PLDT High Speed Hitters, Greek outside hitter Eva Chantava ng Cignal HD Spikers at Cuban outside spiker Yu­nieska Batista ng Chery Tig­go Crossovers.