MANILA, Philippines — Pumalo si Greek import Evangelia Chantava ng 22 points mula sa 19 attacks, isang block at dalawang service aces sa paggiya sa Nakhon Ratchasima QminC ng Thailand sa 25-21, 21-25, 25-21, 25-19 pagdaig sa Baic Motor ng China sa agawan sa bronze medal sa 2025 AVC Women’s Volleyball Champions Cup kahapon sa PhilSports Arena sa Pasig City.
Nag-ambag si American import Anyse Marlee Smith ng 16 markers at may 14 points si Sasipapron Janthawisut sa pagbulsa ng Nakhon Ratchasima sa $10,000 bilang third-placer.
Ito ang ikalawang sunod na podium finish ng mga Thai spikers sa AVC matapos tumersera noong nakaraang taon.
Nagposte si Ye Jin ng 23 points para pangunahan ang Baic Motor at may 17 markers si Shan Lanfeng.
Tinanggap ng Chinese squad ang $5,000 bilang fourth-placer.