November 29, 2025 | 12:00am
GULAT na gulat si Apol sa mga sinabi ni Manang tungkol sa dalagita na nakita umano nito hindi pa natatagalan.
“Hindi mo siya natanong Manang?”
“Hindi ko na nga nagawa dahil nabigla ako. Ni hindi ko nga siya nakunan ng picture dahil ang cell phone ko ay nasa sala. Pero napagmasdan ko ang mukha niya at talagang kamukhang-kamukha ni Guava.”
“At ang sabi mo Manang ay wala siyang sapin sa paa?”
“Oo. Naglalakad siya na walang suot na sapatos o tsinelas kaya. Hindi nga ako makapaniwala sa nasaksihan ko. Hanggang ngayon nga, parang kinikilabutan pa ako.”
“Gaano mo po katagal siyang napagmasdan, Manang?”
“Sandali lang pero napagtuunan ko ang maganda niyang mukha. Parang kambal sila ni Guava. Napakaganda talaga!”
“Habang palayo po ay napagmasdan mo Manang?”
“Oo. Nagbabay pa siya pero mabilis lang.”
“Ano kaya ang ibig sabihin nun?”
“Baka yun na ang huling pakita niya?”
Nag-isip si Apol.
Baka nga!
Baka huling pagpapakita sa kanila. Tapos na ang misteryo?
(Itutuloy)