August 26, 2025 | 12:00am
“HINDI ko na naisip ‘yun dahil nagulat ako nang maramdamang may tao sa bakuran. Natutulog ako ng mga sandaling ‘yun,’’ sabi ni Apol kay Guava.
“Ganun ba ang nangyari?”
“Oo Guava. Pasensiya ka na kung pati ikaw ay nadadamay dito sa misteryosong dalagita.”
“Okey lang. Ang pinagtataka ko lang kasi, kamukha ko ang dalagita. Wala naman akong kamag-anak na kamukha.”
“Talagang wala, Guava?”
“Oo.”
“Napakamisteryosa ng dalagitang ‘yun.”
“Maganda sana kung may picture ka niya. Baka naman na-capture ng CCTV sa lugar?”
“Aba oo nga ano? May CCTV sa kanto.”
“Ikaw—sa bahay mo walang CCTV?”
“Meron pero nasira—mula nun hindi ko na napalitan.”
“Magtanong ka sa katabing bahay.”
“Walang gaanong bahay sa amin. Damuhan pa nga ang mga lote. Meron nang may-ari ang lote pero hindi pa tinatayuan ng bahay.”
“Kung makikita ko ang dalagita saka lang ako maniniwala,’’ sabi ni Guava.
Itutuloy