August 31, 2025 | 12:00am
TININGNAN pang mabuti ni Guava ang picture ng dalagita na nasa cell phone ni Apol.
“Kamukhang-kamukha ko nga siya, Apol.”
“Naniniwala ka na sa akin.”
“Kung hindi ko nakita ang picture na ito, hindi ako maniniwala.”
“Kaya nga naisipan kong pumunta rito para maipakita sa iyo. Kasi kung basta sasabihin ko lang sa’yo hindi ka maniniwala.”
“Sandali at may ipakikita ako sa’yo Apol.”
“Ano ‘yun?”
Binuksan ni Guava ang kanyang cell phone.
“Eto tingnan mo.”
Tiningnan ni Apol ang nasa cell phone ni Guava. Hindi makapaniwala si Apol sa nakita.
“Ikaw ba ito Guava?”
“Oo, nu’ng fourteen years old ako.”
“E parang yung ipinakita ko sa’yong picture ng dalagita at ito ay iisa.”
“Oo Apol. Anong misteryo ito?”
“Hindi kaya may kakambal ka?”
“E di sana kasing age ko siya ngayon?”
“Hindi kaya may kamag-anak ka na dalagita?”
“Wala.”
Itutuloy