October 4, 2025 | 12:00am
NAG-ALALA na si Guava nang gumabi at patuloy pa rin ah malakas na ulan.
“Paano ako makakauwi, Apol?”
“Dito ka na lang matulog at bukas ng umaga, ihahatid kita.”
Nag-isip si Guava.
“May guest room ako.”
“Nakakahiya naman na dito ako matutulog.”
“Anong magagawa e umuulan. At saka baka baha na sa maraming lugar—di ba kaunting ulan lang ngayon, baha agad?”
“Oo nga.”
“Dun sa Makati, alam ko bumabaha rin dun.”
“Sa Buendia at Pasong Tamo, bumabaha.”
“Bakit mo alam?”
“Nagtrabaho ako sa isang kompanya sa Pasong Tamo.”
“Ah.”
“Sige dito na ako matutulog—wala na akong mapagpipilian.”
“Sige dito ka lang at magluluto ako ng dinner natin.”
“Tutulungan kita.”
“Halika.”
Nagtungo sila sa kusina.
“Puwede ka bang ginisang monggo at pritong pompano?” tanong ni Apol.
“Oo naman—ang sarap yata n’yan!”
(Itutuloy)