October 7, 2025 | 12:00am
“Ikaw may girlfriend na?’’ tanong ni Guava kay Apol pagkaraan.
“Wala pa.”
“Pareho tayong wala pang commitment?”
“Oo.”
“Bakit wala ka pang gf, Apol?”
“Gusto ko kasi bago mag-asawa, maraming-marami nang ipon na pera. Ayaw ko kasi na maghihirap.”
“Wow!”
“Talagang yan ang sinusunod ko—hindi ako mag-aasawa hangga’t hindi ko nami-meet ang target kong ipon.”
“Nakakahanga ka. Ang ibang lalaki, wala nang ganyang plano, gusto mag-asawa na agad at mag-aanak. Kaya naman naghihirap ang buhay. Asa sa magulang. Kawawa ang kanilang magulang na hindi na nakaahon sa pag-aalaga ng apo.”
“Tama ka, Guava.”
“Hanga ako sa’yo, Apol.”
Napangiti lang si Apol.
“Sana kung magkaka-bf ako, tulad mo.”
“Marami rin naman sigurong tulad ko.”
“Siguro pero mahirap hanapin.”
“E paano kung wala kang makitang tulad ko—paano kung ang maging bf mo ay wala palang plano—’yung bahala na si Batman?”
“Hindi ako papayag—magpapakatandang dalaga na lamang ako. Kasi baka magdusa lang ako—pati anak namin. Ayaw kong maghirap.”
“Sana makita mo ang lalaki na iyong pinapangarap.”
Nang mahalata ni Apol na inaantok na si Guava, sinamahan niya ito sa guest room.
“Ito ang kuwarto mo, Guava. May sariling banyo diyan. May tuwalya, sabon, shampoo sa banyo.”
“Pahiram na lang nang luma mong shirt, Apol.”
“May bagong padyama riyan. Mamili ka na lang.”
“Salamat.”
Ngumiti si Apol.
Isinara ni Guava ang pinto.
Kinabukasan, maagang nagising si Apol. Nagluto siya ng almusal—fried rice, ginisang corned beef at pritong itlog.
Nang makaluto ay hinintay niyang magising si Guava. Pero pasado alas siyete na ay hindi pa bumabangon.
Kinatok niya.
“Guava, bangon na. Kakain na.”
“Masama ang pakiramdam ko Apol. Masakit ang ulo at katawan ko.”
(Itutuloy)