MANILA, Philippines — Makakasama ni world title challenger Charly Suarez si chief backer at dating Ilocos Sur Gov. Luis ‘Chavit’ Singson sa isang special session ng Philippine Sportswriters Association Forum ngayong araw sa conference hall ng Rizal Memorial Sports Complex.
Tatalakayin nina Singson at trainer at dating national team member Delfin Boholst ang paghahamon ni Suarez kay WBC super featherweight champion Emanuel Navarrete ng Mexico.
Magsisimula ang PSA Forum sa alas-10:30 ng umaga.
Naitakda ang title fight sa Mayo 10 sa Pechanga Arena sa San Diego matapos maplantsa ni Singson ang negosasyon kay Navarrete at sa promotional outfit nitong Top Rank ni legendary Bob Arum.