ANG pantog ay maaaring mag-ipon ng hanggang dalawang tasang ihi. Ngunit hindi ito dapat mapuno bago magtungo sa banyo at umihi. Mas makabubuti na umihi sa sandaling makaramdam ng naiihi.
Kung ang pag-ihi ay pipigilin, narito ang mga posibleng sakit na makuha:
1. Makararamdam ng sakit sa puson sa tuwing pipigilan ang pag-ihi. Minsan parang puputok na ang pantog o ito ay lalabas na.
2. Nagkakaroon nag hindi mapigilang paglabas ng ihi o incontinence kung madalas na pinipigilan ang pag-ihi dahil posibleng nagkaroon ng pinsala sa pelvic floor muscles, kasi na-overstretched o nabanat ang pantog. Kung madalas mababanat at luluwag ang masel ng pantog, hindi na kayang pigilan ang pagtulo ng ihi kaya wala kang magagawa kung hindi magsuot na lamang ng diaper o lampin.
3. Mawawalan ng kakayahan o mahirap palabasin ang ihi kung madalas na pipigilan ang pag-ihi kahit na sa pakiramdam mo ay puno na ang iyong pantog. Ito ay maaaring mangyari kung ang mga kalamnan ng pantog ay napinsala. Sa mga malubhang kaso, maaaring kailanganin ng gumamit ng catheter para lamang ma-alisan ng laman ang iyong pantog.
4. Maaring nakukuha ang impeksyon sa urinary tract (UTI) sa kababaihan sa pagpupunas ng ihi ay simula sa puwitan papunta sa harapan, may katabaan, may diabetes, o gumagamit ng diaphragm sa pagplano ng pamilya o pagpigil sa pag-ihi. Kapag matagal naiipon ang ihi sa pantog, maaaring dumami ang bacteria.
5. Ang pagkakaroon ng kidney stone o bato sa bato o bladder stone o bato sa pantog kung ang ihi ay nagtatagal sa bato o pantog, o naglalaman ng mga mineral, o kulang sa iniinom na tubig.