MANILA, Philippines — Simula na ang bentahan ng tiket sa opening day ng 2025 FIVB Volleyball Men’s World Championship na gaganapin sa Setyembre 12 sa SM Mall of Asia Arena sa Pasay City.
Inaabangan na ang opening day dahil magpe-perform ang K-Pop group BOYNEXTDOOR.
“It will be one night to remember in the history of world volleyball and the Philippines will be right in the middle of everything,” ani Tats Suzara na president ng Philippine National Volleyball Federation (PNVF) at Asian Volleyball Confederation (AVC).
May 50 araw na lamang ang nalalabi bago ang torneo na magtatampok ng 32 koponan mula sa iba’t ibang panig ng mundo kabilang na ang Alas Pilipinas.
“Never in the history of the world championships, men or women, will there be an opening ceremony that will be a concert in atmosphere and featuring BOYNEXTDOOR,” ani Suzara.
Maglalaro sa opening day ang Alas Pilipinas laban sa Tunisia sa alas-5 ng hapon.
Ang tiket sa opening night ay nagkakahalaga ng P14,000 para sa Patron (Center) at P12,500 para sa Patron (Back), P12,500 sa Lower Box Center, P8,500 sa Lower Back Sides, P7,500 sa Lower Back Back, P5,500 sa Upper Box Center, P4,500 sa Upper Back Sides, P2,500 sa Upper Box Back at P1,500 sa General Admission.
Binubuo ang BOYNEXTDOOR nina Sungho, Riwoo, Jaehyun, Taesan, Leehan at Woonhak na magpe-perform ng mga sikat na kanta nito.