DALLAS — Kagaya ng dapat asahan, pinili ng Mavericks si forward Cooper Flagg bilang No. 1 overall pick ng 2025 NBA Rookie Draft kahapon.
“I’m feeling amazing. It’s a dream come true, to be honest,” sabi ni Flagg kasama ang kanyang pamilya. “I wouldn’t want to share it with anybody else.”
Nanalo ang Dallas sa draft lottery bagama’t mayroon lamang 1.8% odds na nagbigay sa Mavs ng tsansang mahugot si Flagg na ikinunsiderang top prospect sa draft class.
“It’s a generational ta-lent, a once-in-a-lifetime chance,” ani Mavericks general manager Nico Harrison sa 6-foot-8, 221-pound na si Flagg. “So just top to bottom, we’re excited.”
Kumolekta ang 18-anyos na si Flagg ng mga averages na 19.4 points, 7.5 rebounds, 4.2 assists, 1.4 blocks at 1.4 steals per game sa paggiya sa Duke Blue Devils sa 35-4 record at sa isang Final Four appearance.
Makakasama ni Flagg sa Dallas sina 10-time All-Star Anthony Davis, guard Kyrie Irving, centers Dereck Lively II at Daniel Gafford at forwards P.J. Washington.