MANILA, Philippines — Limang sets ang kinailangan ng University of Perpetual Help System DALTA upang kalusin ang Letran, 25-21, 23-25, 21-25, 25-17, 15-9 sa do-or-die Game 3 at tanghaling kampeon sa NCAA Season 100 boy’s volleyball tournament best-of-three finals na nilaro sa FilOil EcoOil Centre, kagabi.
Naunahan ang Junior Altas matapos ang tatlong sets, matapos nilang manalo sa una ay sumadsad sila sa sets 2 at 3.
Subalit hindi nasira ang loob ng Perpatual Help, nakahirit sila ng deciding fifth set nang harurutin nila ang Squires.
Unang nanalo ang Junior Altas sa series opener, 25-21, 29-27, 28-26 pero bumawi ang Squires ng sikwatin ang 25-20, 19-25, 25-20, 25-21 tagumpay sa Game 2 para maka-puwersa ng winner-take-all.
Muling nakitaan ng husay at determinasyon sina Zyro Ornos at Gabriel Macatuno para akayin ang Las Piñas-based team at iuwi ang korona sa kanilang bakuran.