Philstar.com
September 28, 2025 | 4:56pm
MANILA, Philippines — Ginawaran ng Senado ng komendasyon ang Padel Pilipinas matapos ang kanilang tagumpay sa nakaraang 2025 Asia Pacific Padel Cup (APPC) na ginanap sa Selangor, Malaysia.
Ang pagkilala ay mula sa resolusyong inihain nina Sen. Juan Miguel Zubiri, Sen. Joel Villanueva, Sen. Tito Sotto, Sen. Loren Legarda at Sen. Bong Go matapos talunin ng mga Pinoy ang defending champion Malaysia sa finals ng torneo.
“I have seen our team grow from a hopeful beginning to a glorious triumph and to witness their victory to see our flag raised on the international stage. I have seen that vision fulfilled,” sabi ni Cayetano, ang founder ng Padel Pilipinas.
Sa likod nina Joanna Tao Yee Tan at Johnny Arcilla ay winalis ng Pilipinas ang koponan mula sa Hongkong, Thailand, South Korea, Pakistan, Singapore at India upang mapanatili ang malinis na kartada.
“Our athletes have carried our flag with pride, inspired the next generation and made history for Philippine sports,” aniya.
Pinarangalan din ng Senado sina Yee Tan at Arcilla sa kanilang inuwing tropeo bilang Most Valuable Player.
Ang iba pang miyembro ng koponan ay sina Argil Lance “LA” Canizares, Abdulquahar, Raymark Mac” Gulfo, Bryan Saarenas, Fritz Chris Verdad at Kurt Derrick Santos, Mirriam “Yam” Garsin, Jed Aquino, Danna Abad at Joshea Malazarte.